نشست مشورتی به منظور تدوین استراتیژی جدید آگاهی‌عامه حقوقی برگزار گردید

13 و 16 عقرب 1397

ریاست عمومی مساعدت‌های حقوقی وزارت عدلیه ج.ا.ا، نشست مشورتی دو روزه را به منظور تدوین استراتیژی جدید ملی آگاهی عامه حقوقی با همکاری مالی دفتر پروگرام حمایت سکتور عدلی افغانستان (JSSP) برگزار کرد.

هدف از برگزاری این نشست، شریک ساختن استراتیژی جدید ملی آگاهی‌عامه حقوقی با ادارات و نهادهای ذیربط بوده تا نظریات و پیشنهادات آنها جمع آوری و در استراتیژی شامل گردد.  

در این نشست نمایندگان ستره محکمه، وزارت معارف، وزارت تحصیلات عالی، وزارت امور زنان، برنامه‌ی انکشافی سازمان ملل متحد(UNDP) سازمان بین‌المللی انکشاف حقوق(IDLO) حقوق بشر و نهادهای ذیربط اشتراک کرده بودند.   

ابتداء رییس عمومی مساعدت‌های حقوقی وزارت عدلیه، پیرامون موضوع صحبت نموده و از اشتراک کنندگان خواست تا استراتیژی ملی آگاهی‌عامه را به دقت مرور کرده، نظریات و پیشنهادات شان‌را جهت نهایی سازی این استراتیژی شریک سازند.

 در این نشست، استراتیژی جدید ملی آگاهی‌عامه حقوقی به دقت مرور گردیده و اشتراک کنندگان نظریات و پیشنهادات شان‌را جهت غنامندی هرچه بیشتر آن، مطرح نمودند.