سومین نشست کمیتۀ تخنیکی مبارزه باقاچاق انسان وقاچاق مهاجران به ریاست محترم نایف ریاضت سرپرست ریاست ارتباط خارجه ومسوول سکرتریت کمیسیون عالی مبارزه باقاچاق انسان وقاچاق مهاجران،در تالار وزارت عدلیه برگزار گردید.

10عقرب 1396

این نشست به منظور نهایی ساختن فورم رجعت‌دهی قربانیان قاچاق انسان وقاچاق مهاجران، جلوگیری ازتکرار ثبت قضایا ویکسان بودن آمار وارقام قربانیان،لایحۀ طرزفعالیت کمیسیون عالی مبارزه باقاچاق انسان و قاچاق مهاجران ولایحۀ طرز فعالیت کمیسیون‌های ولایتی آن، برگزار گردید.

در این نشست 22 تن از نمایندگان ادارات عضو کمیتۀ تخنیکی و نهادهای مختلف اشتراک نموده بودند،اشتراک کنندگان در باره موضوعات فوق بحث نموده وفورم رجعت‌دهی وادغام مجدد را تصویب نمودند. همچنان تصمیم گرفتند که لایحه طرز فعالیت کمیسیون عالی وکمیسیون‌های ولایتی مبارزه باقاچاق انسان وقاچاق مهاجران به منظور نظرخواهی برای اعضای کمیتۀ تخنیکی مبارزه با قاچاق انسان وقاچاق مهاجران ارسال گردد؛ پس از گرفتن نظرآنها،به منظور نهایی سازی شامل اجندای نشست کمیسیون عالی مبارزه باقاچاق انسان وقاچاق مهاجران شود.

همچنان به محمدحسن سلیمی مسوول سکرتریت کمیته تخنیکی مبارزه باقاچاق انسان وقاچاق مهاجران وظیفه سپرده شد تا موضوعات فوق را پی‌گیری ونتیجۀ آنرا درنشست بعدی ارایه نماید.