نشست کمیتۀ کاری امنیت و حکومت‌داری اهداف انکشاف پایدار برگزار گردید

10عقرب 1396

نشست کمیتۀ کاری امنیت و حکومت‌داری اهداف انکشاف پایدار به ریاست سید محمد هاشمی معین اداری وزارت عدلیه ج.ا.ا و به اشتراک نمایندگان ادارات ذیربط در تالار کنفرانس‌های وزارت عدلیه برگزار گردید.

در این نشست، معین اداری وزارت عدلیه راجع به فیصله‌های نشست کمیتۀ اجرایی اهداف انکشاف پایدار به جلسه معلومات داد. هم‌چنان نمایندگان وزارت اقتصاد معلومات مفصلی را راجع به اهداف انکشاف پایدار ارایه نمودند.

در ادامه، روی لایحۀ وظایف کمیتۀ کاری امنیت و حکومت داری بحث صورت گرفته وبا در نظرداشت نظریات و پیشنهادات اعضای اشتراک کننده مورد تأیید قرار گرفت.

در این نشست از اشتراک کنندگان خواسته شد تا به عنوان اعضای دایمی این کمیته و به صورت دوامدار در جلسات اشتراک داشته و هر عضو این کمیته یک گروپ تخنیکی را در اداره مربوطه شان ایجاد نمایند. هم‌چنان فیصله گردید که چهار شنبه هفته آینده نیز نشستی را به منظور ترتیب پلان عمل کمیتۀ کاری امنیت و حکومت داری برگزار نمایند.