د وزیر په هکله
د اطفالو د اصلاح او روزني د مرکزونو د آمرینو لومړنۍ کنفرانس جوړ شو
د خپرېدو نېټه: Oct 15, 2011
د ۱۳۹۰/۷/۱۹لمریز کال د سي شنبي په ورځ د اطفالو د اصلاح او روزني د مرکزونو د آمرینو لومړنۍ کنفرانس د عدلیې وزارت د اداري معین قانونوال سیدیوسف حلیم ، د
لوي څارنوالۍ د څیړنو مرستیال ، د کار او ټولنیزو چارو وزارت معین ، د ستري محکمي استازي او دهیواد داطفالو اصلاح او روزني د مرکزونو د آمرینو په ګډون ،د عدلیې وزارت په نوښت او د عدلي او قضایي سکتور څخه د ملاتړ د مؤسسي یاJSSPپه مالي مرسته د کابل ستار په میلمستون کې جوړ شو.
په دې کنفرانس کې لومړۍ د عدلیې وزارت اداري معین خبرې وکړي او میلمنو ته د ښه راغلاست تر څنګ یې د اطفالو حقوقو ته چې د اساسي قانون په ۵۴ماده کې ، د اطفالو د اصلاح او روزني د مرکزونو قانون او د اطفالو د اصلاح او روزني مرکزونو د چارو په مقرره کې انعکاس پیداکړي ده اشاره وکړه او همدارنګه وي ویل چې اطفال سرغړونکي دي نه مجرم، بنآ د اطفالو د اصلاح او روزني د مرکزونو مسؤلین مکلف دي د اطفالو په ښوونه او روزنه ، د زده کړییزو او حرفوي وسایلو په برابرولو، روغتیايي ستونزو ته رسیدګي او اطفالو ته د آزار او اذیت نه ورکول او باید له اطفالو سره ښه تګ وشي او په پای کې هیله لرم څو په دغه دوه ورځني کنفرانس کې د اطفالو داصلاح او روزني د مرکزونو د وضعیت د ښه والي لپاره یوه مناسب د حل لاره پیداکړئ.
په دې کنفرانس کې د اطفالو د اصلاح او روزني د مرکزونو قانون او د اطفالو سرغړونو ته د رسیدګي په قانون باندې چې د اطفالو د اصلاح او روزني د مرکزونو له رئیسانو سره اړیکي لري ، صورت ونیوه.
په دې کنفرانس کې د هیواد له ۳۴ ولایتونو څخه د اطفالو د اصلاح او روزني د مرکزونو آمرینو ګډون کړي وه.
