د طفل د حقوقو او د هغو د ساتنې په هکله د درې ورځني ورکشاپ جوړېدل

د ۱۳۹۷ کال د وري د میاشتې له ۲۰ نېټې څخه تر ۲۲ نېټې پورې

د افغانستان د اسلامي جمهوریت د عدلیې وزارت د حقوقي مساعدتونو لوی ریاست او د اطفالو د اصلاح او روزنې د مرکزونو د لوی ریاست ۱۵ تنو کارکوونکو ته د اطفالو د حقوقو او د هغو د محافظت تر عنوان لاندې ددغه وزارت د کنفرانسونو په تالار کې درې ورځنی روزنیز ورکشاپ جوړ کړ.

په دې ورکشاپ کې له اسلام څخه مخکې دور کې د اطفالو، د اسلام د تشریع د مقصدونو، د طفل د حقوقو له کنوانسیون سره سم د طفل د څلورو اساسي حقوقو، پر جنین د جنایت د حالاتو او د شرعې له پلوه د هغو د مجازاتو او نور مهمو موارد تر څېړنې او زدکړې لاندې ونیول شو.