د ۱۳۹۰/۴/۵نیټې د یکشنبې په ورځ د ایډز د ناروغی او ددغې ناروغی څخه د ساتنې د لاملونو په اړه د پوهاوي ورکولو ورکشاپ د عامې روغتیا وزارتپه همکارې د عدلیې وزارت په تالار کې جوړ شو.
په نوموړې ورکشاپ کې چې د یکشنبې په ورځ د عدلیې وزارت اداري معین قانونوال سید یوسف حلیم ، د عامې روغتیا وزارت استازې، د ایډز د ویروس د ملي کنټرول د پروګرام استازي او عدلیې وزارت یو ګڼ شمیر کارکوونکو ګډون کړی وه.
په پيل کې غونډه د قرآن کریم د څو مبارکو ایاتونو په تلاوت سره پیل شوه.
ورپسې د عدلیې وزارت اداري معین پخپلو خبرو کې د ایډز د ویروس په اړه کلي موضوعات (H.I.V) څرګند کړل او د عامې روغتیا وزارت د همکارې په اړه یی خبرې وکړې .
نوموړې زیاته کړه: دغه ورکشاپ یو اسانتیا ده کولي شو آګاهي پیداکړو او ددې ناروغې د نښې نښانو او علایمو څخه جلوګیري وکړو ځکه ددې ناروغی کنټرول او وقایه له تداوي څخه اسانه او ارزانه ده.
وروسته د ظرفیت لوړولو او د لارښوونې د پراختیا سلاکار دوکتور میرزمان ملکزي د قانون له نظره د ایډز د جلوګیرې په اړه خبري وکړي او له عدلیې وزارت څخه د مرستي غوښتونکې شو نوموړې یادونه کړه.
باید د عدلیې وزارت په دې اړوند یوه قانوني مسدوه ترتیب کړي او د پروتوکولونو د پراختیا او د قانوني سندونو په جوړولو کې له عامې روغتیا وزارت سره مرستې وکړي څو له ایډز څخه د مخنیوي پروګرامونه او د مخدرو توکو د زیانونو کمښت چې دا یو طبي او ټولنیز اقدام دې چې په ښه توګه صورت ونیسي او له دې ناروغې څخه د مخنیوي یواځیني لار ده.
په کلي صورت سره له دې ناروغې څخه بیرون ته د وتلو لار وجود لري چې د هغې له جملي څخه بشپړ پوهاوي پیداکول ،د عامي روغتیا وزارت همغږې له کلیدې وزارتونو سره ، ددې ناروغې په اړه د یو قانون ترتیب او د هغې تطبیق په ټولنه کې په ګډه باید فعالیت وکړو.
وروسته ددې ناروغې د انتقال او د مخنیوي دڅرنګوالي په اړه ،ګډون کوونکو ته کافي معلومات وړاندې شول.
